GEREELDE VRAE

Ons is gebasseer in Westville, KZN, maar reis na ons kliënte, regoor Suid Afrika. Geen afstand is vir ons te vêr nie, luister gerus na ons kliënte se getuienisse, van regoor die land, wat sal getuig hiervan.

Ons is geregistreer met ‘n wye verskeidenheid platforms. Ons is 'n onafhanklike verskaffer van finansiële dienste, wat beteken dat ons nie alleenlik aan een spesifieke platform of versekeringsmaatskappy gekoppel is nie. Uiteraard is daar platforms waarmee ons verkies om te werk bo ander, en ons deel graag al hierdie navorsing met u, dat u self ‘n ingeligte besluit kan maak.

Dit is belangrik om wel daarop te let, dat platforms geen invloed het op hoe u belegging presteer nie; hulle tree bloot as administrateurs op. Daar is ​​dikwels 'n wanpersepsie hieroor onder kliënte, maar ons kan dit in fynere besonderhede aan u verduidelik tydens 'n gratis konsultasie.

Ons is beleggingsadviseurs wat kliënte se geld belê. Ons kies die fondse waarin kliënte se geld belê word en maak seker dat dit altyd reg bestuur word. Soos beantwoord in vraag 3 hierbo, het ons kontrakte met verskeie beleggings-verskaffers. Indien u geld reeds by een van die verskaffers is met wie ons ‘n kontrak het, kan ons dit onmiddelik oorneem en die onderliggende fondse volgens ons strategie belê. Indien nie, is dit ‘n eenvoudige proses vir ons om die skuif te maak.

Ons bied 'n interne beleggingstrategie aan wat spesifiek vir afgetrede kliënte ontwerp is, maar is nie beperk tot net afgetrede kliënte nie. Hierdie strategie word volgens elke kliënt se individuele behoeftes opgestel; ons pas nie 'n een-grootte-pas-almal-benadering op ons kliënte toe nie.

Ons hersien al ons kliënte se portefeuljes jaarliks, indien enige aanpassings of veranderinge benodig sou word en bly deurgaans in gereelde kommunkasie met ons kliënte.

ALLES!

Ons is baanbrekers in ons bedryf, en min van wat ons doen, stem ooreen met die benadering van ons mededingers. Ons het ons eie interne risikoprofiel ontwikkel wat geensins vergelykbaar is met dit wat die res van ons bedryf offer nie. Ons plaas nie kliënte in kategorieë soos lae, medium en hoë risiko nie, ons glo dat finansies vanuit 'n heeltemal ander perspektief beskou moet word – en dit is waarom ons so 'n uitstekende rekord het. Ons het nie die wiel heruitgevind nie, maar wel die instrumente wat ons reguleerder aan ons verskaf, op 'n praktiese en sinvolle wyse aangewend.

Ons bestuur ons kliënte se geld aktief. Ons sit kliënte nie net in ‘n posisie en los dit met die hoop dat dit sal goed gaan nie. Ons hou die mark intensief dop en ons posisioneer ons kliënte vooraf vir dit wat kom, ons skarrel nie vir antwoorde wanneer dinge reeds ontrafel nie.

By Five Two Wealth voel geen kliënt ooit oningelig of agtergelaat nie.

VEILIG! ALTYD INGELIG!

Het u al ooit gevoel dat u, u adviseur moet monitor of selfs moet inlig oor sake wat u voel u portefuelje kan affekteer? Dit is NIE die geval by Five Two Wealth nie. Ons verwyder alle moontlike stres en bekommernisse wat u kan hê oor u beleggings. By Five Two Wealth het u altyd gemoedsrus om te weet dat ons geen een kliënt, ooit vergeet of agterlaat nie.

Wanneer veranderinge aan u beleggings nodig is, sal ons u eerste skakel. Ons doen gereeld video aanbiedings om ons kliënte op hoogte te hou van hoe markbewegings hul beleggings-posisie mag beïnvloed.

Ons is passievol daaroor om ons kliënte in persoon, waar moontlik, te sien vir hul jaarlikse hersienings. Ons sit persoonlik met elke kliënt individueel om die tafel en hersien wat gebeur het die vorige jaar.

By Five Two Wealth is u nie net nog 'n nommer nie; u belange is ons prioriteit.

Dit is 'n belangrike vraag om te vra en om dit te beantwoord, moet twee komponente wat heeltemal los van mekaar staan eers verduidelik word:

1. Regulering: Omdat ons deur die FSCA gereguleer word, bied ons bedryf die veiligste manier aan om geld te belê. U geld kan nooit gesteel word nie, aangesien die platforms waardeur ons belê, nie toegelaat word om geld aan derde partye uit te betaal nie. Alhoewel ons magtiging van kliënte kry om aanlyn transaksies namens hulle te doen, kan ons nooit hul bankbesonderhede verander sonder 'n getekende opdrag nie; en selfs al sou 'n vervalste handtekening verskaf word, kan bankbesonderhede wat nie aan u naam gekoppel is nie, nie by u profiel gevoeg word nie. Sonder daardie stap kan geld nie uitbetaal word nie, wat beteken u geld is veilig. Indien u geld gesteel sou word deur iemand intern by 'n platform, sou die platfrom self aanspreeklik gehou word en hulle sal die verlies lei en sal u moet uitbetaal. Interessant genoeg het ons al platforms gedwing om foute reg te stel, wat hulle honderde duisende gekos het. Ons bedryf is streng gereguleer, wat dit uiters veilig vir kliënte maak. 'n Oneerlike adviseur kan dus nooit jou geld steel nie.

2. Onderliggende portefeulje: In teenstelling met die bogenoemde; as u geld in 'n fonds belê is wat in die oomblik negatief is en u besluit om u geld te onttrek, sal u u verliese realiseer en in daardie geval sal u u geld verloor. 'n Wyse adviseur (een wat aktief na u geld omsien) is noodsaaklik om u herhaaldelik korrek te posisioneer, sowel as om u te help om te vermy om emosionele besluite te neem in die oomblik. Dit help nie om ‘n adviseur te hê wat u wil oortuig om nie te skuif nie, net ter wille daarvan, wanneer u onderliggende portefeulje juis geskuif moet word a.g.v. marktoestande. Dit is presies wat ons doen by Five Two Wealth, ons bestuur u beleggings voortdurend.

   NEEM KENNIS: As u fondse negatief is, beteken dit nie dat u geld verloor het nie (want die fondse kan nog herstel); u realiseer eers die verlies wanneer u u geld onttrek vanuit daardie negatiewe fondse. As u belê bly en die fondse herstel, kan u u waargeneme ‘verliese’ verhaal. Om die kompleksiteit hiervan te verstaan, is presies waarom u ons nodig het.

TEN SLOTTE: U geld kan nooit gesteel word nie, maar u kan dit wel verloor as dit nie behoorlik belê word nie of wanneer irrasionele/emosionele besluite geneem word – dit is presies waarvoor Five Two Wealth hier is.

BAIE EENVOUDIG!

Kontak ons via die skakel "Bespreek 'n Gratis Konsultasie".

Ons skakel u dan om 'n afspraak te reël, waartydens ons 'n inleidende aanbieding sal doen en in eenvoudige terme verduidelik hoe ons bedryf werk, en presies waar ons in die prentjie inpas.

Ons verstaan ​​dat gesprekke oor u finansies 'n private saak is; daarom kom sien ons u graag waar u die gemaklikste voel – wat gewoonlik in die gerief van u eie huis is. Ons sal u deur elke stap van die proses begelei en al u vrae beantwoord. Ons wil hê elke kliënt moet ‘n ingeligte besluit maak wanneer hul kies wie na hul hele lewe se spaargeld gaan omsien. Ons doen dit deur al u vrae te beantwoord in ‘n omgewing van gemak, sodat u besluite kan maak met gemoedsrus.

Daar is GEEN minimum aansluitingsbedrag vir afgetredenes nie.

By Five Two Wealth is daar geen wegsteek fooie nie. Ons fooie is eenvoudig uiteen gesit, sodat u presies weet wat om te verwag van dag een af. As u slegs rande en sente wil vergelyk, mis u die feit dat as ons beter presteer as waar u huidiglik is, sal die fooi wat u ons betaal tegnies uit die ektra groei kom, wat u andersins nie sou gehad het nie en nie uit u oorspronklike kapitaal nie. Dit alleen, maak dat ons fooie, elke sent werd is.

Ons moet net noem dat prestasie in die verlede nie 'n aanduiding van toekomstige prestasie is nie; dit dien egter wel as 'n uitstekende maatstaf om te bepaal of iemand hulle sout werd is – veral as hulle dit herhaaldelik reggekry het. Ons fooie is eenvoudig, word deur die OGFS gereguleer en is as volg:

1% (plus BTW) Beplanningsfooi

1% (plus BTW) Deurlopendefooi

Beplanningsfooi

Die beplanningsfooi is ‘n fooi wat vooraf gevra word. Beskou dit as die koste om by ons strategie aan te sluit. Dit dek die navorsing wat ons oor die jare gedoen het, die eksklusiewe strategie wat ons self ontwikkel het waarby u ingeskakel word, die persoonlike strategiese finansiële-/boedelbeplanning en belastingoorwegings wat dikwels lei tot 'n finansiële voordeel wat groter is as die fooi self. Hierdie fooi is oor die algemeen laer as dié van ons mededingers, omdat ons nie wil hê dat 'n buitensporige fooi 'n struikelblok moet wees wat afgetrede kliënte daarvan weerhou om by Five Two Wealth aan te sluit nie. Ons wil hê u moet self ervaar hoe dit voel om 'n kliënt van Five Two Wealth te wees; sodra u dit ervaar, sal u nooit weer ons fooi bevraagteken nie en saamstem dat ons elke sent werd is.

Die beplanningsfooi word vooraf gefaktureer en die kliënt bly persoonlik verantwoordelik vir die vereffening van die faktuur (in sommige gevalle kan ons reël dat hierdie fooi direk van u belegging afgetrek word; maar dit is nie altyd moontlik nie, so wees asseblief voorbereid indien u die faktuur direk moet vereffen).

Deurlopendefooi

Die deurlopendefooi is ‘n jaarlikse fooi wat maandeliks betaal word vanuit u belegging. Beskou die deurlopende fooi as ‘n versekeringspolis om te verseker dat u geld AKTIEF bestuur word. Dit stel ons, onder andere, in staat om aan te hou om die nodige navorsing te doen, wat ‘n kritiese voorvereiste is vir goeie resultate. Verder sluit hierdie fooi in, die uitstekende voortdurende diens wat aan u gelewer word, u jaarlikse hersiening, vervoerkostes en reis kostes, enige deurlopende veranderinge wat gemaak moet word, gereelde korrespondensie, video aanbiedings om u op hoogte te hou van hoe markbewegings u beleggings mag beïnvloed, die feit dat u enige tyd op ons knoppie kan druk vir enige vrae wat u het en vele meer. NB: Hierdie fooi sluit in terapie vir die adviseur, wat van tyd tot tyd moet help om kliënte se emosies te reguleer ;)

JA! ALMAL IS WELKOM.

Ons kern kliënte is afgetredenes, aangesien die Here Jesus afgetredenes ons prioriteit gemaak het en hulle dus ons hooffokus is. Ons spesialiseer in afgetredenes, en hoewel ons beleggingstrategie vir hulle ontwerp is, is dit nie tot slegs afgetredenes beperk nie. Die kernbeginsels van ons strategie kan op enige tipe kliënt toegepas word, hetsy jy nie afgetree is nie of dit vir jou entiteit is.

BESLIS!

Daar is soveel uitstekende adviseurs wat bloot nie die tyd en hulpbronne het om die nodige en deurlopende navorsing te doen wat vereis word om kliënte se portefeuljes suksesvol en aktief te bestuur nie - dit op sigself is 'n voltydse werk. Ons besef dat baie kliënte hou van hul adviseurs en ons gee graag erkenning aan die goeie adviseurs in ons bedryf. Daarom het ons spesifiek sagteware ontwikkel om adviseurs maklike toegang te bied tot ons suksesvolle beleggingstrategie en aktiewe fondsbestuur. Op dié manier baat beide u en u huidige adviseur daarby.

Adviseurs het twee opsies:

1. Hulle kan hul eie finansiële diensverskaffer behou en hul kliënte saam met ons bestuur. Hulle bly hul kliënte se primêre adviseur, terwyl Five Two Wealth as sekondêre adviseur aangestel word. Hulle bly verantwoordelik vir finansiële-, belasting- en boedelbeplanning, terwyl Five Two Wealth verantwoordelik is vir die beleggingstrategie en fondskeuses. Fooie word gehef soos uiteengesit in Vraag 10 (hierbo) en word 50/50 tussen u adviseur en Five Two Wealth verdeel.

2. Alternatief, kan hulle adviseurs by Five Two Wealth word, indien hulle aan ons vereistes voldoen en steeds 'n 50/50-verdeling ontvang.

Ons is opsoek na nog individue wat passievol is oor die bestuur van afgetredenes se welvaart; vra dus gerus u adviseur om ons te kontak via die Adviseurs bladsy op ons webtuiste.